Шляхецкі герб са старажытных часоў сьведчыў аб бесперапыннасьці роду і прыналежнасьці да прывілеяванага саслоўя. З пачатку 1996 г. з удзелам супрацоўнікаў Нацыянальнага гістарычнага архіва Беларусі рыхтуюцца і выходзяць у сьвет тамы з серыі "Гербоўнік беларускай шляхты". Гэтае выданьне стала падмуркам цяперашняга сеціўнага даведніка. Апроч таго, шырока вядомы польскамоўныя публікацыі гербоўнікаў канца XIX - пачатку XX стагодзьдзяў асобных тэрытарыяльных адзінак ВКЛ. Яны складзены па падставе матэрыялаў выводавых спраў земскіх судоў, разгляд якіх адбываўся практычна адразу пасьля першага падзелу Рэчы Паспалітай і акупацыі ўсходніх тэрыторый ВКЛ расейскай імпэрыяй.

Поўны сьпіс крыніцаў:

1. "Гербоўнік беларускай шляхты", том I-VIII, 2002-2024 [1]
2. "Вялікае Княства Літоўскае. Энцыклапедыя ў 2 тамах", 2007
3. "Herbarz szlachty prowincyi witebskiej" - "Herold Polski", Kraków - 1899 [3]
4. "Оршанскій гербовникъ": "Историко-юридическіе матеріалы, извлеченные изъ актовыхъ книгъ губерній Витебской и Могилевской, хранящихся въ центральномъ архивѣ въ Витебскѣ и изданные подъ редакціей и.д. архиваріуса сего архива Дм. Ив. Довгялло", выпуск XXVIII, часть II, Витебскъ - 1900
5. "Малы гербоўнік рагачоўскай шляхты" - "Архіварыус": №№6-8, 2008-2010
6. С.Рыбчонак і інш. "Малы гербоўнік наваградзкай шляхты", 1997 [6]
7. З.Яцкевіч "Малы гербоўнік халопеніцкай шляхты", 1999
8. S.Dziadulewicz "Herbarz rodzin tatarskich w Polsce", Wilno - 1929 [8]
9. S.Dumin "Herbarz rodzin tatarskich Wielkiego Księstwa Litewskiego", Gdańsk - 2006 [9]
10. T.Gajl "Herbarz Polski od średniowiecza do XX wieku", Gdańsk - 2007 [10]
11. W. Wittyg "Nieznana szlachta polska i jej herby", Kraków - 1908 [11]
12. T. Gajl "Odmiany herbów szlachty Polski. XIV-XX wiek" - 2025
13. J. Ciechanowicz "Rody rycerskie Wielkiego Księstwa Litewskiego". Tom II-V, Rzeszów - 2001
14. J. Ciechanowicz "Rody rycerskie Wielkiego Księstwa Litewskiego". Tom VI, Wilno - 2006
15. Cz. Malewski "Rodziny szlacheckie na Litwie w XIX wieku" (Powiaty lidzki, oszmiański i wileński). Warszawa - 2016
16. Cz. Malewski "Rodziny szlacheckie na Litwie w XIX wieku" (Powiat święciański i trocki). Warszawa - 2022
17. Є. Чернецький "Правобережний гербівник. Том I Шляхта Васильківського, Таращанського та Звенигородського повітів", Біла Церква - 2006
18. B. Starzyński "Herby Rzeczypospolitej Polskiej i W. X. Litewskiego". Tom I-XIV - рукапіс
19. G. Błaszczyk "Herbarz szlachty żmudzkiej", Warszawa - 2015
20. А.Залівака, серыя "Шляхта Вялікага Княства Літоўскага":
• "Шляхта Магілёўскай губерні. Радаводы. Фасцыкул III", 2013
• "Шляхта Віцебскай губерні. Радаводы. Кніга I", 2017
• "Шляхта Віцебскай губерні. Радаводы. Кніга II", 2017

На падставе гэтых выданьняў я сыстэматызаваў даныя і падаю Вашае ўвазе спарадкаваны сьпіс гербаў шляхты ВКЛ і іх ужывальнікаў. Геральдыка шляхты ВКЛ шчыльна зьвязана з польскай. Аднак мае некаторыя асаблівасьці.

Выявы шляхецкіх гербаў былі рэканструяваны паводле малюнкаў, пададзеных у скарыстаных выданьнях, і адаптаваны ў адпаведнасьці з правіламі сучаснай геральдычнай навукі. Выявы асобных гербаў публікуюцца ў сеціве ўпершыню.

Агульныя правілы падаваньня інфармацыі